Solidariteit stuit rassediskriminasie by SAL se tegniese afdeling (SAAT) met hofbevel
Poste vir drie senior lugvaarttegnikusse mag nie gevul word nie
Deur Nico Strydom

Solidariteit het vandeesweek in die arbeidshof in Johannesburg ʼn hofbevel bekom waarvolgens South African Airways Technical (SAAT), die tegniese afdeling van die Suid-Afrikaanse Lugdiens (SAL), nie drie senior lugvaarttegnikusposte mag vul nie. Die vakbond het om ʼn dringende interdik aansoek gedoen, maar ʼn skikkingsooreenkoms is op Solidariteit se terme bereik en gevolglik ʼn bevel van die hof gemaak. Lees meer. Klik hier.

Gaan lees gerus die nuutste inskrywings op die Solidariteit Blog by
www.solidariteitblog.co.za.

Grysstof of grysarea? - Inge Strydom

Die mensdom is nou maar eenmaal ʼn vooruitstrewende spesie. Dink maar net aan tegnologie wat voortdurend ontwikkel en nuwe baanbreker uitvindsels wat al tot verskeie kitsmiljoenêrs gelei het. Dit is ʼn bewys dat ons nie stagneer nie maar voortdurend ontwikkel en ons vaardighede uitbrei.

Lees meer. Klik hier.

Kubermisdaad in Suid-Afrika - Daleen Gouws

Misdadigers is oral om ons. En deesdae moet jy nie net jou huis of persoonlike items teen hulle beveilig nie, jy moet ook jou aanlyn (internet) en digitale (slimfoon, tablet ens) aktiwiteite teen kubermisdadigers beveilig.

Lees meer. Klik hier.

Plasingsagent
 
Bobaasberoepe is insetsels oor skaars en kritieke vaardighede, verskillende beroepe en belangrike kwessies rondom opvoeding. Die insetsels kan ook afgelaai word om in ʼn voorligtingsklas gebruik te word of om op sosiale medianetwerke gedeel te word.
Vandeesweek gesels Karin Venter met Elani Heystek oor haar beroep as plasingsagent en die geleenthede wat daarmee gepaard gaan. Klik hier en luister.

Die oorlog waarin die meeste mense (soldate en burgerlikes) gesterf het, was die Tweede Wêreldoorlog met meer as 50 miljoen sterftes.

Bron: Pharos se Feitegids. 'n Kernensiklopedie.

Elke hond is baas op sy eie werf. Elkeen is die meester van sy eie gebied/huis.

Bron: Pharos se Spreekwoorde
en waar hulle vandaan kom

Deur Inge Strydom

Ridder

Vandeesweek se ridders is Tshwane Beeld en alle Pretorianers wat druk op die Tshwane Munisipaliteit geplaas het om vullis in Pretoria te verwyder. Tshwane Beeld het begin om foto’s van vullis in en om die stad wat deur ongelukkige inwoners geneem is, te publiseer. Dit was grootliks as gevolg van hierdie optrede dat die munisipaliteit gedwing is om die kwessie by ʼn onlangse vergadering met die provinsiale regering se departement van paaie en vervoer te bespreek. Volgens Selby Bokaba, woordvoerder van die Tshwane Munisipaliteit, gaan verskeie pogings nou aangewend word om die probleem op te los, waaronder ʼn skoonmaakproses by die stad se twee hoofingange. 

Rampokker

Diegene wat verantwoordelik is vir ’n swak vertaalde handboek vir Hoërskool Linden in Johannesburg is dié week se rampokkers. Ongelukkige ouers het gekla oor hul graad 10-kinders se handboek vir die vak lewensoriëntering (biologie) wat swak vertaal is. ʼn Ongelukkige ouer het gesê die vertaling is van so ʼn swak taalkundige gehalte dat dit kompleet lyk of dit met behulp van Google Translate gedoen is. In die boek word daaglikse fisieke aktiwiteite, byvoorbeeld, as “landbou-aktiwiteite” beskryf. ’n Ander sin lui: “Opwarm, moet u deelneem in sommige lae-intensiteit aërobiese aktiwiteit, flinkstap Soos.” Volgens die uitgewers van die handboek, DC Creations, is die handboek vertaal deur ʼn Afrikaanse onderwyser “wat [hulle] gedink het bekwaam is”.

Word vandag nog deel van die Solidariteit Atletiekklub.

Skakel klubvoorsitter Hendrik van der Westhuizen by 082 851 8451 vir meer inligting of stuur 'n e-pos na atletiek@solidariteit.co.za.