Click here for the English version of the Newsletter.
No. 3/2014
Verregses en verlinkses ’n identiese tweeling

Deur Flip Buys

’n Verregse heethoof het onlangs weer ’n slag vir die Afrikaner in Europa geslaan – ’n teenslag vir die Afrikaner. Hierdie persoon het in ’n program oor plaasmoorde op Nederlandse televisie Adolf Hitler as ’n fantastiese leier bestempel en só Afrikaners soos Nazi-bewonderaars laat lyk. Dit lyk soos ’n poging om ons goeie saak met vrot argumente te probeer verwoes omdat hierdie kortbroek-korporaal aan buitelandse mediakanonne die ammunisie verskaf om teen Afrikaners te gebruik.

Lees meer. Klik hier.

 
Die rol van die vakbondverteenwoordiger (“shop steward”)

 

Regte van vakbondverteenwoordigers
(Wet op Arbeidsverhoudinge, No. 66 van 1995 – WAV)

Ingevolge artikel 14 van die WAV het vakbondverteenwoordigers die reg om die volgende werksaamhede in die werkplek te verrig:

  1. om op versoek van 'n werknemer die werknemer by griewe- en dissiplinêre verrigtinge by te staan;
  2. om die werkgewer se nakoming van die WAV en enige ander wetgewing wat bedinging en diensvoorwaardes reguleer, asook die nakoming van kollektiewe ooreenkomste wat bindend op die werkgewer is, te moniteer;
  3. om enige beweerde oortreding van die werkplekverwante bepalings van die WAV, of enige ander wet wat bedinging en diensvoorwaardes reguleer, asook enige kollektiewe ooreenkomste wat bindend is op die werkgewer, aan te meld by:
    1. die werkgewer;
    2. die vakbond;
    3. 'n verantwoordelike gesag of liggaam; en
  4. om enige ander werksaamheid te verrig soos ooreengekom tussen die verteenwoordigende vakbond en die werkgewer.

Lees meer oor verlof vir vakbondbedrywighede en openbaarmaking van inligting. Klik hier.

 

Regsvraag


As Solidariteit nie verteenwoordiging het by jou werk nie
Deur Helgard Cronjé

Vraag:

Hoekom moet ek aan Solidariteit behoort as hulle nie die verteenwoordigende unie by my werksplek is nie?

Antwoord:

Wanneer 'n vakunie 'n kollektiewe ooreenkoms met 'n werkgewer sluit, word daardie unie 'n verteenwoordigende unie by daardie spesifieke werkgewer.

Lees meer. Klik hier.

 
Onlangs in die nuus

 

Murray & Roberts: Onbillikheid met die toekenning van beurse die nek ingeslaan

Solidariteit het op Donderdag, 16 Januarie 2014 'n brief aan die maatskappy gestuur waarin hy versoek dat wit werknemers wat minder as R200 000 per jaar verdien net soos hul swart eweknieë, ook die geleentheid gegun moet word om namens hul kinders om die beurse aansoek te doen. Dit het gevolg nadat die maatskappy aanvanklik nie die beurse aan die kinders van werknemers van alle rasse beskikbaar gestel het nie.

Solidariteit het onder meer in sy samesprekings en skrywe aan die maatskappy daarop gewys dat die aanvanklike advertensie waarin die maatskappy die beurse geadverteer het, op onbillike diskriminasie op grond van ras neerkom, soos dit deur die Wet op Gelyke Indiensneming verbied word.

Na samesprekings het die maatskappy per brief op Solidariteit se versoek gereageer en aangedui dat hy voortaan 15% van die beskikbare fondse in die Letsema Khanyisa Trust (waarmee beurse vir die sekondêre en/of tersiêre opleiding van werknemers se kinders befonds sal word) aan wit werknemers se kinders beskikbaar sal stel. Die bestuur van die maatskappy het voorts ook onderneem om die oorspronklike advertensie met 'n nuut bewoorde advertensie te vervang en die nuwe advertensie sal eersdaags onder werknemers versprei word.

 
Veldtogte

 

 
Solidariteit Tydskrif

 

Lees meer in die jongste uitgawe van Solidariteit Tydskrif
Maroela Media

 

Pale Toe! word moontlik gemaak deur AfriForum

Kompetisie:

Wie dink jy gaan die Super 15 wen? Neem deel en staan 'n kans om 'n Savanna-kroegyskas te wen!
Om in aanmerking te kom vir die groot prys:

  1. Skep jou Pale Toe-profiel en kies jou span
  2. “Like” Pale Toe! se Facebook-blad en skryf in die kommentaar op die onderstaande vraag wie dink jy gaan in die Super 15 se finaal speel en wat gaan die eindtelling wees (jy moet eers inteken op Facebook en jy kan soveel keer raai as wat jy wil).


Klik hier om deel te neem.

 
Solidariteit Helpende Hand

 

Helpende Hand bied hulpverlening in Limpopo

Solidariteit Helpende Hand het twee weke gelede ’n noodfonds op die been gebring vir Limpopo-inwoners wat deur die onlangse vloede geraak is, met spesifieke fokus op die inwoners van Bela-Bela en Lephalale.

Lees meer. Klik hier.

 
AfriForum

 

AfriForum begin met noodhulpopleiding

AfriForum begin vandeesweek met noodhulpopleiding as deel van die burgerregte-organisasie se gemeenskapsveiligheidstrategie. AfriForum sal dié opleiding by al hul takke regoor die land aanbied, omdat die regering versuim om op 'n doeltreffende wyse gemeenskappe op te lei om na hulself te kan omsien in noodsituasies.

Lees meer. Klik hier.

 
Akademia

 
Diens in 'n neutedop

 

Hoe maak lede van Solidariteit se dienste gebruik?

Dis so maklik soos 1, 2, 3 om van Solidariteit se dienste gebruik te maak:
Webwerf: www.solidariteit.co.za
SMS: SMS “SOL” na 34388
E-pos: navrae@solidariteit.co.za / diens@solidariteit.co.za
Faks: 012 664 6493 / tel.: 0861 25 24 23

Groei behels meer as net ledetalle – dit gaan ook oor infrastruktuur, dienslewering, stelsels, bedrywighede, kommunikasie en mense. Solidariteit is vandag groter en sterker as ooit tevore en ons missie is nog dieselfde: ons beskerm ons mense.

Hoe gemaak as jy 'n navraag het?

1.         Maak die webwerf by die skakel www.verteenwoordiger.co.za oop.
2.         Teken in met jou e-posadres as jou gebruikernaam en jou ID-nommer as jou wagwoord.

Om bystand aan, en kommunikasie met verteenwoordigers te verbeter, is 'n verteenwoordigerwebblad geskep. Die idee is dat dit 'n eenstop-diens vir verteenwoordigers moet wees waar hulle toegang tot advies, artikels, nuttige dokumente, belangrike datums, kontakbesonderhede, nuus, en so meer verkry.

Lizel Viljoen, arbeidsverhoudinge-koördineerder van Solidariteit, bestuur die verteenwoordigerwebblad asook e-posse en telefoniese navrae wat van die verteenwoordigers ontvang word. Lizel het ’n LLB- en BCom Regte-graad aan die Universiteit van Pretoria verwerf. Sy werk sedert 2010 by die vakbond en was deurgaans by verteenwoordigerverwante aangeleenthede betrokke.

Kontak gerus vir Lizel by 012 644 4334 of lizel@solidariteit.co.za as jy 'n verteenwoordiger is met navrae.

Indien jy nie op www.verteenwoordiger.co.za kan inteken nie, is jou e-posadres nog nie op die webwerf geregistreer nie. Stuur dan gerus ’n e-pos na elektronies@solidariteit.co.za en versoek toegang tot www.verteenwoordiger.co.za.

Groot sake waarby jy betrokke is

As 'n saak/situasie waarby jy betrokke is nuuswaardig word, kontak gerus Solidariteit se media-span. Stuur 'n e-pos na wenk@solidariteit.co.za.

Belangrike datums

  • 1 tot 3 April: Intermediêre opleiding in Klerksdorp en Thabazimbi
  • 8 tot 10 April: Intermediêre opleiding in Witbank en Vaaldriehoek

Hou hierdie spasie dop vir die res van die jaar se opleidingsdatums

 
Besoek gerus: www.verteenwoordiger.co.za Teken in/Teken uit

[CONTENT]